Սրբոց հրեշտակապետացն՝ Գաբրիէլի եւ Միքայէլի, Ռափայէլի, Սերովբէիցն, Քերովբէիցն եւ ամենայն երկնային զօրացն: Երանելւոյն Կոմիտասայ քահանային Քէօմիւրճեան:
Ս. Աստ. «որ խաչեցար վասն մեր»:
Ընթերցուածներ
Պատարագ
Սրբոց հրեշտակապետացն Գաբրիէլի եւ Միքայէլի եւ ամենայն Երկնային զօրացն: Ժամամուտ. Զօր օրհնեն անլռելի ձայնիւ իմանալի զօրութիւնք, երկնաւոր նահապետութիւնք, հրեշտակք եւ հրեշտակապետք, աթոռք եւ տէրութիւնք, իշխանութիւնք եւ պետութիւնք, սերովբէք եւ քերովբէք զամենասուրբ զԵրրորդութիւնն եւ զմի Աստուածութիւն: Այսօր երկրաւորս եկեղեցւոյ քահանայապետութիւն ցնծայ հրաշափառապէս’ զերկնաւոր քահանայապետութեանցն կատարելով զտօնախմբութեան տօնս, անմարմնական դասուց Հոգեզինացդ մարմնականքս եւ հողեղէնքս, ով սուրբ Գաբրիէլ եւ Միքայէլ մեծք, Հրեշտակապետք Բարձրելոյն, որք կայք առաջի աթոռոյ Աստուածութեանն. անդադար բարեխօս լերուք վասն առ Տէր, վերաբերել զամենեսեան ընդ ձեզ յերկնից արքայութիւնն, եւ միաձայն բարբառով երգել զփառս:
Օրհնեցէք զՏԷր յերկինս. օրհնեցէք զնա ի բարձունս: Օրհնեցէք զնա ամենայն հրեշտակք նորա. օրհնեցէք զնա ամենայն զօրութիւնք նորա:
Ալէլուիա, ալէլուիա. Ողորմութեամբ Տեառն լի եղեւ երկիր. եւ բանիւ Տեառն երկինք հաստատեցան. եւ Հոգւով բերանոյ նորա ամենայն զօրութիւնք նոցա: