Ժամամուտ
Սրբոյն Սեւերիանոսի Սեբաստացւոյն, եւ Բաբելայ ծերոյն եւ ՉԴ աշակերտաց նորին: Ի տաճարի սրբոց եւ ի յիշատակի սրբոց մարտիրոսաց զձեռս համբառնալով աղաչեմք, բարեխօսութեամբ սոցա եւ աղօթիւք զկենդանութիւնս մեր խաղաղացո, Աստուած, որպէս մարդասէր: Ժամամուտ. Պատուական է առաջի Տեառն մահ սրբոց իւրոց. ո’ Տէր, ես ծառայ քո եմ, ծառայ եւ որդի աղախնոյ քոյ: Հաւատացի զոր եւ խօսեցայ. եւ ես խոնարհ եղէ յոյժ:
Ս. Աստուած
Ս. Աստ. «որ խաչեցար վասն մեր»:
Ընթերցուածներ
Ա. Յովհաննէսի 2, 7 - 14
7Սիրելինե՛ր, նոր պատուէր մը չէ որ կը գրեմ ձեզի, այլ՝ հին պատուիրանն է զոր սկիզբէն ընդունած էիք։ Այս հին պատուիրանը՝ Խօսքն է ճշմարտութեան զոր լսեցիք։
8Եւ սակայն, դարձեալ նոր պատուիրան մը կը գրեմ ձեզի, — որ ճշմարիտ է թէ՛ իրեն թէ՛ ձեզի համար,— քանի որ ահա խաւարը կը փարատի, եւ ճշմարիտ լոյսը արդէն իսկ կը շողայ։
9Ով որ կ՚ըսէ թէ լոյսի մէջ է եւ եղբայրը կ՚ատէ, սուտ է եւ տակաւին խաւարի մէջ է։
10Ով որ իր եղբայրը կը սիրէ, կը բնակի լոյսի մէջ եւ սայթաքումի առիթ չունի երբեք։
11Իսկ ով որ իր եղբայրը կ՚ատէ, խաւարի մէջ է, խաւարի մէջ կը խարխափի եւ չի գիտեր ուր կ՚երթայ, որովհետեւ խաւարը կուրցուց անոր աչքերը։
12Կը գրեմ ձեզի, որդեակներ, որովհետեւ ձեր մեղքերը ներուեցան ձեզի Յիսուսի անունին զօրութեամբը։
13Կը գրեմ ձեզի, հայրեր, որովհետեւ դուք ճանչցաք Ան որ սկիզբէն է։ Կը գրեմ ձեզի, երիտասարդներ, որովհետեւ դուք յաղթեցիք չարին։
14Գրեցի ձեզի, որդեակնե՛ր, որովհետեւ դուք ճանչցաք Հայրը։ Գրեցի ձեզի, հայրեր, որովհետեւ դուք ճանչցաք Ան որ սկիզբէն է։ Գրեցի ձեզի, երիտասարդներ, որովհետեւ դուք հզօրացաք, Աստուծոյ Խօսքը կը բնակի ձեր մէջ, եւ դուք յաղթեցիք չարին։
Ալէլուիա
Ալէլուիա, ալէլուիա. Մարտիրոսաց ի ձայնէն.
Աւետարան
Յովհաննէս 16, 1 - 5
1«Այս ամէնը խօսեցայ ձեզի, որպէս զի չգայթակղիք։
2Իրենց ժողովարաններէն պիտի արտաքսեն ձեզ։ Կու գայ ժամանակ երբ ով որ ձեզ սպաննէ պիտի համարի Աստուծոյ պաշտամունք ընծայել։
3Ասիկա պիտի ընեն ձեզի որովհետեւ չճանչցան ո՛չ Հայրը, ո՛չ ալ զիս։
4Բայց ես այս ամէնը ըսի ձեզի, որ երբ ժամանակը գայ, յիշէք որ արդէն ըսեր էի ձեզի։»
5«Սկիզբէն չըսի ձեզի այս ամէնը, որովհետեւ ձեզի հետ էի։ Հիմա կ՚երթամ անոր որ զիս ղրկեց, եւ ձեզմէ ոչ ոք կը հարցնէ՝ 'Ո՞ւր կ՚երթաս'։